დამოუკიდებლობის დღესთან დაკავშირებით ისტორიის კლუბის ხელმძღვანელმა, თინათინ დორეულმა და ქართული ენისა და ლიტერატურის მასწავლებელმა, მელანო ჩოკორაიამ განახორციელეს პროექტი, რომელშიც მონაწილეობა მიიღეს: მე-7(ა,ბ), მე-8 (ა,ბ) და მე-9 კლასის მოსწავლეებმა.
პროექტის ფარგლებში წარმოადგინეს სხვადასხვა სახის აქტივობა:
• მოხსენებები და პრეზენტაციები, რომლებიც მიზნად ისახავდა დამოუკიდებლობის აქტის ისტორიული კონტექსტის გაანალიზებას და იმ სოციალური, პოლიტიკური და კულტურული გარემოებების შეფასებას, რომლებმაც განაპირობა საქართველოს დემოკრატიული რესპუბლიკის ჩამოყალიბება.
• განიხილეს ეროვნული გმირების – მერაბ კოსტავასა და ზვიად გამსახურდიას – ღვაწლი საქართველოს დამოუკიდებლობისთვის ბრძოლაში. მათი მოღვაწეობის ამსახველი ვიდეომასალების ჩვენება დაეხმარა მოსწავლეებს, კარგად გაეანალიზებინათ ამ გმირების ისტორიული მისია.
• მოსწავლეებმა წარმოადგინეს მერაბ კოსტავას პოეტური ნაწარმოებები, რაც შესაძლებლობას აძლევდა მათ, გაცნობოდნენ ავტორის შინაგან სამყაროს და გაეაზრებინათ მისი შემოქმედება.
• ასევე წარმოადგინეს ქართველი პოეტების მიერ სამშობლოსადმი მიძღვნილი ცნობილი ლექსები.
• პრეზენტაციების მეშვეობით მოსწავლეებმა გააანალიზეს, როგორ არის წარმოდგენილი სამშობლოს თემა ქართულ ლიტერატურაში. პროექტმა ხელი შეუწყო მოსწავლეთა ეროვნული თვითშეგნების გაძლიერებას, მოქალაქეობრივი პასუხისმგებლობისა და პატრიოტული ღირებულებების გაღრმავებას,ისტორიისადმი უფრო ღრმა ინტერესის ჩამოყალიბებას და ლიტერატურული მემკვიდრეობის პატივისცემას.
სკოლა პოლიგლოტი მადლობას უხდის მასწავლებლებს ასეთი მნიშვნელოვანი აქტივობის ორგანიზებისათვის.
