არაფორმალური განათლების ფარგლებში, სკოლა პოლიგლოტმა უმასპინძლა პროფესორ ცირა ბარბაქაძის მორიგ, ინტერაქციულ შეხვედრას მოსწავლეებთან თემაზე: „AI კრეატიული ინსტრუმენტები“.

ეს შეხვედრა იყო შემოქმედებითი ექსპედიცია ციფრულ სამყაროში, სადაც თითოეულმა მოსწავლემ აღმოაჩინა საკუთარი თავი, როგორც მომავლის შემქმნელი.

რა ისწავლეს მოსწავლეებმა?

შეხვედრაზე მოსწავლეები გაეცნენ თანამედროვე ხელოვნური ინტელექტის პლატფორმებს, რომლებიც ცვლის როგორც განათლებას, ისე ყოველდღიურ შემოქმედებითობას.

🔹 პრეზენტაციების გენერირება — [Gamma.app]

მოსწავლეებმა ისწავლეს, როგორ შექმნან თანამედროვე, სლაიდებზე დაფუძნებული პრეზენტაციები ტექსტის ან იდეის შეყვანით — წამებში, დიზაინის და სტრუქტურის ავტომატური ფორმატირებით.

🔹 ინფოგრაფიკის გენერირება — [Napkin AI]

Napkin-ზე მოსწავლეებმა შექმნეს  რუკები და ვიზუალური კონცეპტები, რაც მომავალშიც დაეხმარება  რთული ინფორმაციის მარტივი, მხატვრული ფორმატით გადმოცემაში.

🔹 ბანერების შექმნა — [Canva.com]

შეიქმნა თემატური ბანერები, სასკოლო პროექტებისთვის, სოციალური მედიისთვის და პირადი იდეების ვიზუალიზაციისთვის.

🔹 მუსიკის გენერაცია — [Riffusion.com]

საკუთარი ვაიბის შექმნა მუსიკით — მოსწავლეებმა ისწავლეს, როგორ შეადგინონ ტრეკები ტექსტური აღწერების საფუძველზე, რაც ავითარებს სმენით აღქმას და ემოციურ გამოხატულებას.

🔹 ხატვის AI პლატფორმები — [AutoDraw.com] და [QuickDraw.withgoogle.com]

სწრაფი ესკიზები, ვიზუალური აზროვნების განვითარება და AI-ის დახმარებით ნიჭის აღმოჩენა! ბავშვებმა ნახეს, როგორ „იგებს“ კომპიუტერი მათ ხაზებს და სრულყოფილ გამოსახულებად გარდაქმნის.

დღევანდელი შეხვედრა არ იყო უბრალოდ ტექნოლოგიების გაცნობა — ეს იყო პირველი ნაბიჯი იქ, სადაც შემოქმედება და ხელოვნური ინტელექტი ერთმანეთს ხვდება. მოსწავლეებმა  ისწავლეს და იქვე  შექმნეს, განიცადეს და აღმოაჩინეს საკუთარი ხმა ციფრულ სამყაროში.