მე-7 (ა) კლასის მოსწავლეები ქართული ენისა და ლიტერატურის მასწავლებელთან,მელანო ჩოკორაიასთან ერთად ხელნაწერთა ეროვნულ ცენტრში იმყოფებოდნენ.
აღნიშნული ექსკურსიის მიზანი იყო საქართველოს კულტურული მემკვიდრეობის ერთ-ერთი უმნიშვნელოვანესი ცენტრისა და ხელნაწერთა უნიკალური კოლექციის დათვალიერება, ხელნაწერთა ეროვნული მემკვიდრეობის გაცნობა, დაფასება და კულტურული თვითშეგნების ამაღლება.
მოსწავლეებმა ექსკურსიის ფარგლებში მოისმინეს საინტერესო ინფორმაცია ქართული ხელნაწერი ტრადიციის ისტორიის, მასალებისა და კალიგრაფიული სტილის შესახებ, დაათვალიერეს უნიკალური ხელნაწერები,მათ შორის: ,,ვეფხისტყაოსნის” ,,მოქვის ოთხთავის” ,,გელათის ოთხთავის”.
სკოლა პოლიგლოტი მადლობას უხდის მელანო ჩოკორაიას ასეთი საინტერესო აქტივობის ორგანიზებისათვის. განსაკუთრებული მადლობა კი ხელნაწერთა ეროვნულ ცენტრს გულთბილი მასპინძლობისთვის.
