24 მარტს, კავკასიის ფრანგულ სკოლაში დაიწყო ფრანკოფონიის დღეები. ფესტივალზე მონაწილეობდა საქართველოს თვრამეტი სკოლა. ღონისძიებას ესწრებოდა საფრანგეთის ელჩი საქართველოში ბატონი ოლივიე კურტო, მეუღლესთან ერთად.
ღონისძიება იყო ძალიან საინტერესო, მოსწავლეებმა შეასრულეს ნაწარმოებები ფრანგულ და ქართულ ენაზე. ღონისძიებაში ტრადიციულად მონაწილეობდა სკოლა პოლიგლოტი-ფრანგული ენის პედაგოგები – ირმა ჭანკოტაძე და გვანცა არაბული, მე-8(ბ) კლასის მოსწავლეები: ანა ქურდიანი, სოფია ბიწაძე, მე-7(ა) კლასის მოსწავლეები-მარიამ ბეკოშვილი და ნიკოლოზ ჯავახიშვილი.
მოსწავლეებმა წარმოადგინეს დიალოგი ფრანგულ და ქართულ ენებზე, ნიკოლოზმა შეასრულა სიმღერა ქართულად, ხოლო სოფიამ – ფრანგულად.
ღონისძიების ბოლოს მონაწილეებმა ფრანგული სკოლის ეზოში ჩარგეს ზეთის ხილის ნერგი, რაშიც მონაწილეობა მიიღო სკოლა პოლიგლოტის დირექტორმა ქალბატონმა მზია დაუშვილმა.
სკოლა პოლიგლოტი მადლობას უხდის კავკასიის ფრანგული სკოლის ადმინისტრაციას და ორგანიზატორებს ასეთი შესანიშნავი ღონისძიების ორგანიზებისათვის, რომელიც ყოველ წლიურად აძლევს საშუალებას ჩვენს მოსწავლეებს გამოავლინონ თავიანთი უნარი და ნიჭი ფრანგულ ენაზე.
