ჩვენი სკოლის ჭადრაკის მასწავლებლის, ალექსანდრე კოდუას, მნიშვნელოვანი წარმატება!

მსოფლიო საჭადრაკო ფედერაციის (FIDE) ოფიციალურ ვებგვერდზე გამოქვეყნდა 2026 წლის FIDE-ის არბიტრთა სემინარის სასერტიფიკაციო გამოცდის შედეგები, რომლის მიხედვითაც ალექსანდრე კოდუამ წარმატებით ჩააბარა FIDE-ის არბიტრის საკვალიფიკაციო გამოცდა.

ალექსანდრე მსაჯის სტატუსით ჩართული იყო, ასევე, ფოთის XIX საერთაშორისო საჭადრაკო ფესტივალში, რომელმაც 10 ქვეყნის 530 ქართველი და უცხოელი მოჭადრაკე გააერთიანა.

ვულოცავთ ალექსანდრეს ამ მნიშვნელოვან პროფესიულ წარმატებას! გვიხარია და ვამაყობთ, რომ ის ჩვენი სკოლის გუნდის წევრია!