2017 წლის 22-23 დეკემბერს შპს ,,პოლიგლოტის“ პედაგოგებმა ანა ჯავახიშვილმა, სოფიო ლიჩელმა და ელიზავეტა ზაზაძემ მონაწილეობა მიიღეს ,,პედაგოგთა კვალიფიკაციის ამაღლების ქუთაისის ზონალური ინსტიტუტის“ მიერ გამართულ რესპუბლიკურ სამეცნიერო – მეთოდურ კონფერენციაში-,,ინოვაციები და ტრადიციები თანამედროვე განათლებაში“. ,,პოლიგლოტის“ პედაგოგები გამოვიდნენ მომხსენებლებად. ელიზავეტა ზაზაძემ გააკეთა პრეზენტაცია ინკლუზიური განათლების შესახებ, ანა ჯავახიშვილმა დამსწრე საზოგადოებას წაუკითხა თემა: ,,მინდა სიკეთე მოვუტანო უსინათლო ადამიანებს და გავუნათო ცხოვრება“, რომელიც ეხება განსაკუთრებული საჭიროების ადამიანების პრობლემებს და გააცნო კოლეგებს სოფიო ლიჩელის უნიკალური პროექტი უსინათლოებისათვის ხატვის სწავლების ტექნოლოგიების შესახებ. ხოლო სოფიო ლიჩელმა ისაუბრა თავისი აღმოჩენების შესახებ და გააცნო საზოგადოებას ,,მხატვარი სახაზავების“ მეთოდიკა, ისაუბრა განათლების სისტემაში ინკლუზიური სწავლების პრობლემების მოგვარების აუცილებლობაზე. კონფერენციაზე დამუშავებელი თემები დაიბეჭდა ჟურნალ ,,ინოვაციები და ტრადიციები თანამედროვე განათლებაში“და მონაწილეებს გადაეცათ სერთიფიკატები.