სკოლა პოლიგლოტის მოსწავლეებისთვის არაფორმალური განათლების პროგრამის ფარგლებში 3 ნოემბერს ბოტანიკურ ბაღში გაიმართა ლექცია-პერფორმანსი: “ბუნების ხმები”. პროგრამის ხელმძღვანელმა, პროფესორმა TsiRa Barbakadze – მ, მოსწავლეებს წარუდგინა მუსიკოსი დავით ბახტაძე, რომელიც მოსწავლეებს ესაუბრა ისეთი საინტერესო მუსიკალური ინსტრუმენტის შესახებ, როგორიცაა ვალტორნა. უამბო მისი წარმოშობის ისტორია და შეასრულა მრავალფეროვანი კომპოზიციები – ბუნების ხმებიდან დაწყებული, კლასიკური ნაწარმოებების ფრაგმენტებით და ჯაზის თავისუფალი შესრულებით დამთავრებული.
მოსწავლეებმა ვალტორნის “ბუნების ხმები” გაშიფრეს და სრულიად განსხვავებული ინტერპრეტაციები წარმოადგინეს.
ულამაზესი დაისის ფონზე ფოტოსესიით დასრულებული საღამოს შემდეგ მოსწავლეები ემოციებით დატვირთულები შინისკენ გაეშურნენ.
