სკოლა ,,პოლიგლოტში“ მათემატიკის მასწავლებლებმა თამარ რიჟამაძემ და ნათია ქანთარიამ III კლასის მოსწავლეებთან ჩაატარეს შეჯიბრი ,,ლოგიკური თამაშები”. ღონისძიება დატვირთული იყო სხვადასხვა აქტივობებით: მარტივი მოქმედებებით, ლოგიკური ამოცანებითა და კაპიტნების შეჯიბრით. სულ შვიდი გუნდი მონაწილეობდა. პირველ ადგილზე გავიდა ,,ნიკე”, მეორე ადგილზე – ,,სუპერ მათემატიკოსები”, ხოლო მესამე ადგილი ხვდა წილად ჯგუფს – ,,სუპერ ჭკვიანები”.
დიდი მადლობა ღონისძიების ორგანიზატორებს ნათია ქანთარიასა და თამარ რიჟამაძეს, ასევე III კლასის მოსწავლეებს აქტიური მონაწილეობისათვის.
