სკოლა პოლიგლოტის მე-7 (ა) კლასის მოსწავლეები მშობლებთან და კლასის დამრიგებელთან მელანო ჩოკორაიასთან ერთად იმყოფებოდნენ კახეთში. ისინი ესტუმრნენ ქალაქ სიღნაღს, მოინახულეს ბოდბის წმინდა ნინოს სახელობის დედათა მონასტერი და დაათვალიერეს უძველესი გალავანი.
ექსკურსიის დასასრულს ესტუმრნენ ,,პაპას სახლს”, სადაც ამოავლეს ჩურჩხელები, მონაწილეობა მიიღეს რთველში, თავად დაწურეს ყურძენი და დაუვიწყარი შთაბეჭდილებებით აღსავსე დღე გაატარეს.
სკოლა პოლიგლოტი დიდ მადლობა უხდის ,,პაპას სახლს” და მის არაჩვეულებრივ მასპინძელ თამთა ბეგიაშვილს საოცარი, გულთბილი მიღებისათვის, დამრიგებელ მელანო ჩოკორაიას საინტერესო პროექტისათვის და მშობლებს ექსკურსიაში აქტიური ჩართულობისათვის.
