სკოლა პოლიგლოტის მე-5 (ა) კლასის მოსწავლეები, ხელოვნების მასწავლებელ ქეთევან მაისურაძესთან და კლასის დამრიგებელ სოფო დვალიშვილთან ერთად ეწვივნენ ჩვენი კულტურის უმნიშვნელოვანეს სიძველეთსაცავს – ხელოვნების სასახლეს.
მოსწავლეებმა დაათვალიერეს XIX საუკუნეში აგებული სასახლე, გაეცნენ შენობის აგების ისტორიას, რომელიც ისლამური გოთიკის საუკეთესო ნიმუშს წარმოადგენს. მათ იმოგზაურეს საინტერესო სამყაროში, დაათვალიერეს სამუზეუმო ექსპონატები, უმდიდრესი სახვითი ხელოვნების ნიმუშები, ფერწერული ტილოები და გრაფიკული ნამუშევრები, ეროვნული და სასცენო კოსტიუმების კოლექციები. ვიზიტის ბოლოს კი დაამზადეს სამეჯლისო ნიღბები.
სკოლა პოლიგლოტი მადლობას უხდის ქეთევან მაისურაძეს და კლასის სოფო დვალიშვილს ასეთი საინტერესო და შთამბეჭდავი აქტივობის ორგანიზებისათვის.
