სკოლა პოლიგლოტის სცენაზე მე-5(ა) კლასის მოსწავლეებმა ,,ვერის უბნის მელოდიები“ ააჟღერეს.
ბავშვებმა გიორგი შენგელაიას მიერ გადაღებული პირველი მიუზიკლი გააცოცხლეს და სცენაზე საოცარი ოსტატობით წარმოადგინეს. მათ შთამბეჭდავად გადმოსცეს ძველი თბილისური ამბავი ობოლ გოგონებზე, რომლებიც ცეკვის სტუდიაში მოხვედრაზე ოცნებობდნენ. რაც მთავარია, ყველანი დაგვარწმუნეს რომ ბნელს ნათელი ფანტავს, სიკეთე კი ბოროტებას ყოველთვის ამარცხებს.
სკოლა პოლიგლოტი მადლობას უხდის მე-5 (ა) კლასის დამრიგებელ სოფო დვალიშვილს ასეთი შთამბეჭდავი ღონისძიების ორგანიზებისათვის და მუსიკის მასწავლებელ თამთა ცანავას მუსიკალური გაფორმებისათვის. აგრეთვე განსაკუთრებით გვინდა გამოვყოთ მშობლების აქტიური ჩართულობა და მუდმივი მხარდაჭერა.
