სკოლა პოლიგლოტის მე-4 (ა, ბ, გ) კლასის მოსწავლეები მუსიკის მასწავლებელ, ანი ზაზაშვილთან, ასევე დამრიგებლებთან: თამარ რიჟამაძესთან, ანა ნიჟარაძესთან და გურანდა ხუსკივაძესთან ერთად იმყოფებოდნენ ქართული ხალხური სიმღერებისა და საკრავების სახელმწიფო მუზეუმში.
მოსწავლეებმა მუზეუმში დაცული ქართული და ამიერკავკასიის რეგიონში გავრცელებული მუსიკალური საკრავები, ევროპული, მექანიკური და კლასიკური საკრავები მოინახულეს. მოისმინეს ისტორიები, როგორ და სად აღმოაჩინეს პირველი ქართული საკრავი. მოისმინეს უნიკალური საკრავების ჟღერადობა.
სკოლა პოლიგლოტი დიდ მადლობას უხდის მუზეუმის შემოქმედებით ჯგუფს საინტერესო ტურისა და დადებითი ემოციებისთვის.
