სკოლა პოლიგლოტი უერთდება გარემოს მდგრადი განვითარების კონვენციას და სკოლაში ხშირად ტარდება საინტერესო ღონისძიებები.
ამჯერად მე-2(ბ) კლასის მოსწავლეებმა, დამრიგებელ ნინო ჯვებენავასთან ერთად, „წყლის საერთაშორისო დღის“ აღსანიშნავად შექმნეს შემოქმედებითი პლაკატები.
მოსწავლეებმა ჯგუფებში მუშაობისას განიხილეს წყლის მნიშვნელობა, მისი როლი ბუნებასა და ადამიანის ცხოვრებაში, ასევე იმსჯელეს, რატომ არის აუცილებელი მისი დაცვა და რაციონალური გამოყენება. მათ სხვადასხვა მეთოდით გამოხატეს თავიანთი იდეები – გამოიყენეს ნახატები, სიმბოლოები და საინტერესო გზავნილები, რომლითაც კიდევ ერთხელ გაუსვეს ხაზი წყლის ფასდაუდებელ მნიშვნელობას.
„წყლის საერთაშორისო დღე“ ყოველწლიურად 22 მარტს აღინიშნება და მისი მიზანია, საზოგადოების ცნობიერების ამაღლება წყლის რესურსების დაცვასა და მდგრად გამოყენებასთან დაკავშირებით.
სკოლა პოლიგლოტი მადლობას უხდის დამრიგებელ ნინო ჯვებენავას მოსწავლეებთან ერთად განხორციელებული საინტერესო ინიციატივისთვის.
