სკოლა პოლიგლოტის მოსწავლეებისა და მასწავლებლების წარმატებები ქვეყნის ფარგლებს სცდება. ჩვენი სკოლის მასწავლებელი სოფიო ლიჩელი და მოსწავლე ბარბარე ალთუნაშვილი ერევანში, სომხეთის კულტურის დღეებს დაესწრნენ. ჩვენი მოსწავლის არაჩვეულებრივი ნახატები გამოიფინა არა მარტო ერევნის თეატრში არამედ საქართველოს საელჩოშიც, სადაც ბატონმა ელჩმა გიორგი შარვაშიძემ ბარბარე და ქალბატონი სოფიო საპატიო სიგელებით დააჯილდოვა. სკოლა პოლიგლოტი ულოცავს მათ ამ წარმატებას და მომავალშიც… Continue reading პოლიგლოტის წარმატება სომხეთში

22 მარტს აღინიშნება წყლის მსოფლიო დღე, რომლის მიზანიც ამ კუთხით ცნობიერების ამაღლებაა. მე-2 (ბ) კლასის მოსწავლეებმა ამ დღესთან დაკავშირებით საინტერესო აქტივობებში მიიღეს მონაწილეობა, დაამზადეს პოსტერები – “როგორ დავზოგოთ წყალი”, იმსჯელეს წყლის მნიშვნელობასა და დანიშნულებაზე. მიუხედავად იმისა რომ წყალი დედამიწის უდიდეს ნაწილს ფარავს, პლანეტაზე მაინც არსებობს სასმელი წყლის დეფიციტი. ჩვენი ვალდებულებაა გავუფრთხილდეთ და დავზოგოთ სასმელი წყალი.

21 მარტს, ტყის საერთაშორისო დღე აღინიშნება, რომელსაც სკოლა პოლიგლოტის მოსწავლეებიც შეუერთდნენ. ტყის დაცვასა და აღდგენას სასიცოცხლო მნიშვნელობა აქვს ცოცხალი ორგანიზმების კეთილდღეობისთვის. ჩვენი მოსწავლეები, იაზრებენ ტყის მნიშვნელობას დედამიწაზე. შექმნეს პოსტერები, როლითაც მოუწოდებენ საზოგადოებას რომ ტყეს გაფრთხილება და მოვლა სჭირდება.

სკოლა ,, პოლიგლოტის” 1-ლი (ა) კლასის მოსწავლეები , დამრიგებელ ნონა წამალაშვილთან ერთად იმყოფებოდნენ ექსკურსიაზე, სოციალურ საწარმო ,,კოდალაში”. მათ წარმატებით გაიარეს მასტერკლასი, დაამზადეს ყვავილები დედის და ქალთა დღის აღსანიშნავად. მოსწავლეებმა საინტერესო და შთაბეჭდილებებით სავსე დღე გაატარეს.

სკოლა პოლიგლოტის მე-6 (ბ) კლასის მოსწავლეები დამრიგებელთან, ნაზი ზაალიშვილთან ერთად იმყოფებოდნენ თბილისის ციფრულ სივრცეში. მოსწავლეებმა კოსმოსში იმოგზაურეს, აღმოაჩინეს მიუწვდომელი უნიკალური სამყარო, რომელიც მოიცავს სხვადასხვა პლანეტას, მზის სისტემას, მთვარესა და ვარსკვლავებს. დიდი მადლობა ქალბატონ ნაზის საინტერესო აქტივობისათვის.

სკოლა “პოლიგლოტის” 1-ლი (გ) კლასის მოსწავლეები დამრიგებელთან სოფო მუმლაძესთან ერთად იმყოფებოდნენ დედის დღისადმი მიძღვნილ ექსკურსიაზე სოციალურ საწარმო “კოდალაში”. მათ წარმატებით გაიარეს მასტერკლასი “ნორჩი ოსტატი” და დაეუფლნენ ხის ეკო სათამაშოების შექმნის ტექნიკას. დაამზადეს ულამაზესი ხის ნაკეთობები. პატარები ენთუზიაზმით იყვნენ ჩართულები მუშაობის პროცესში და დიდი სიყვარულით დაუმზადეს დედებს საჩუქრები.

სკოლა პოლიგლოტის მე-6 (ა)  კლასის მოსწავლეებმა მასწავლებლებთან ლამარა თვალიაშვილთან და მელანო ჩოკორაიასთან ერთად წარმოადგინეს პროექტი ,,დედაშვილობა პოეზიაში”. საინტერესო კედლის გაზეთები გამოუშვეს, შექმნეს მისალოცი ბარათები, შეასრულეს დედაშვილობაზე შექმნილი სიმღერები და ამ ფორმით მიულოცეს დედებსა და ქალბატონებს დედის დღე. მადლობა მასწავლებლებს ასეთი საინტერესო ღონისძიებისათვის.

სკოლა ,,პოლიგლოტში” სასწავლო-შემეცნებითი ექსკურსიები გრძელდება.  მე-6(ა) კლასის მოსწავლეები ქართული ენისა და ლიტერატურის მასწავლებელთან მელანო ჩოკორაიასთან ერთად ზაქარია ფალიაშვილის მემორიალურ სახლ-მუზეუმში იმყოფებოდნენ. მათ დაათვალიერეს მუზეუმში გამოფენილი ექსპონატები და დაესწრნენ საგანმანათლებლო პროგრამა ,,ჰიმნს”. ჩვენმა მოსწავლეებმა ძალიან საინტერესო დღე გაატარეს.

სკოლა “პოლიგლოტის” მე-2 (ა) კლასის მოსწავლეები დამრიგებელ მაკა ტოფაძესთან ერთად ნოდარ დუმბაძის სახელობის მოზარდ-მაყურებელთა თეატრში დაესწრნენ სპექტაკლს ,,წითელი ფეხსაცმელები და კალის ჯარისკაცი“, რომელიც სავსეა სიკეთით ,ერთგულებით, სიყვარულით და  ცხოვრებისეული სიბრძნით. მოსწავლეებმა ემოციებით სავსე დღე გაატარეს.  დიდი მადლობა ქალბატონ მაკას ასეთი საინტერესო აქტივობისათვის.

სკოლა “პოლიგლოტის” მე-2 (ბ) კლასის მოსწავლეები დამრიგებელ ნინო კაპანაძესთან ერთად  ნოდარ დუმბაძის სახელობის მოზარდ-მაყურებელთა თეატრში დაესწრნენ სპექტაკლს  “ურჩხული და ლამაზმანი”, რომელიც ერთ-ერთი ყველაზე კეთილი და რომანტიკული წარმოდგენაა სიყვარულზე.  მოსწავლეები შთაბეჭდილებებით სავსე დღე გაატარეს. დიდი მადლობა ქალბატონ ნინოს ასეთი საინტერესო აქტივობისათვის.