სკოლა პოლიგლოტის მე-3(ა) კლასის მოსწავლეები დამრიგებელ მაკა წურწუმიასთან ერთად სტუმრად იმყოფებოდნენ გარდენიაში. მოსწავლეებმა დაათვალიერეს ულამაზესი ბაღი, გაეცნენ მცენარეთა ნაირსახეობას, მოისმინეს საინტერესო ლექცია მათ მოვლა-განვითარების შესახებ. ასევე მონაწილეობა მიიღეს სახალისო, შემოქმედებით აქტივობაში, თავად ჩარგეს ქოთნებში ყვავილები და საჩუქრად მიიღეს თავიანთი ხელით დარგული ყვავილები. სკოლა პოლიგლოტი მადლობას ქალბატონ მაკა წურწუმიას ასეთი საინტერესო აქტივობისათვის.

სკოლა პოლიგლოტის მე-2(ა) კლასის მოსწავლეები დამრიგებელ ნონა წამალაშვილთან ერთად იმყოფებოდნენ ,,ექსპერიმენტორიუმში”. მოსწავლეებს ჩაუტარდათ ინტერაქციული და შემეცნებითი ექსკურსია, დაათვალიერეს მუზეუმში გამოფენილი ფიზიკის ინტერაქტიური ექსპონატები, მონაწილეობა მიიღეს აზოტის შოუსა და სახალისო ექსპერიმენტებში. პატარებმა ბევრი საინტერესო რამ შეიტყვეს მეცნიერებასა და ბუნების კანონების შესახებ. სკოლა პოლიგლოტი მადლობას უხდის ქალბატონ ნონა წამალაშვილს ასეთი საინტერესო აქტივობის ორგანიზებისათვის.

სკოლა პოლიგლოტს თანამედროვე ქართველი მწერალი თამარ გეგეშიძე სტუმრობდა, შეხვედრა ლიტერატურული კლუბის ინიციატივით ჩატარდა. მწერლის ლიტერატურული დებიუტი შედგა 2018 წელს საყმაწვილო რომანით ,,სული-ჩიტი”, რომელმაც გამოსვლისთანავე დაიპყრო მკითხველთა გულები. მას ასევე ეკუთვნის რომანი ,,საშლელები”, რომელიც 2020 წელს საქართველოს წიგნის გამომცემელთა და გამავრცელებელმა ასოციაციამ წლის ბესტსელერად გამოაცხადა. ლიტერატურული კლუბის წევრებმა მწერალს საკუთარი შეხედულებები გაუზიარეს, პრეზენტაციები წარუდგინეს, ღონისძიების ბოლოს… Continue reading მწერალ თამარ გეგეშიძის ვიზიტი სკოლა პოლიგლოტში

8 ნოემბერს, ილია ჭავჭავაძის დაბადების დღის აღსანიშნავად სკოლა პოლიგლოტის ლიტერატურული კლუბის წევრები, კლუბის ხელმძღვანელ მელანო ჩოკორაიასთან ერთად ილია ჭავჭავაძის ლიტერატურულ-მემორიალურ მუზეუმში იმყოფებოდნენ. ცნობილი მწერალი, პოეტი, პუბლიცისტი, საზოგადო მოღვაწე მეუღლესთან-ოლღა გურამიშვილთან ერთად, თავისი დის, ელისაბედ ჭავჭავაძე-საგინაშვილის სახლში 1888-1901 წლებში ცხოვრობდა და მოღვაწეობდა. მოსწავლეებმა დაათვალიერეს მუზეუმში დაცული მემორიალური და ეპოქალური ნივთები, სამეცნიერო შრომები, სახვითი ხელოვნების ნიმუშები, ასევე… Continue reading ვიზიტი ილია ჭავჭავაძის ლიტერატურულ-მემორიალურ მუზეუმში

სკოლა პოლიგლოტის IX-X კლასის მოსწავლეები ესტუმრნენ ტექნოპარკს, სადაც თავმოყრილია უახლესი ტექნოლოგიური, საგანმანათლებლო და პროფესიონალური რესურსები. მოსწავლეებმა დაათვალიერეს ფაბლაბის საწარმოო დანადგარები, მათ შორის 3D-პრინტერი, დაესწრნენ საინტერესო ვორკშოპს და მოისმინეს ინფორმაცია მომავლის პროფესიების შესახებ. შეხვედრის ბოლოს კი გაიმართა დისკუსია მოსწავლეებისათვის საინტერესო საკითხებზე. სკოლა პოლიგლოტი მადლობას უხდის ტექნოპარკს და ფაბლაბის წამყვან სპეციალისტებს საინტერესო მასპინძლობისათვის. სკოლა პოლიგლოტი დიდ მადლობას… Continue reading ვიზიტი ტექნოპარკში

სკოლა პოლიგლოტის მე-7 (ბ)კლასის მოსწავლეები იმყოფებოდნენ ექსკურსიაზე, დამრიგებელ ნაზი ზაალიშვილთან ერთად. ბავშვები ესტუმრნენ დიდი საზოგადო მოღვაწის ილია ჭავჭავაძის სახლ-მუზეუმს. კიდევ ერთხელ გაეცნენ ილია მართლის ცხოვრების და მოღვაწეობის მნიშვნელოვან პერიოდებს. მუზეუმში ვიზიტის შემდეგ კი ესტუმრნენ სევსამორა ნიშატოს მარანს. მოსწავლეები გაეცნენ ღვინის დაყენების უძველეს ტექნოლოგიებს და მონაწილეობა მიიღეს მასტერკლასში. მათ შთამბეჭდავი და შემეცნებითი დღე გაატარეს. სკოლა პოლიგლოტი… Continue reading მე-7 (ბ)კლასის ექსკურსია

მე-4(ა) კლასის მოსწავლეები იმყოფებოდნენ კახეთში ექსკურსიაზე დამრიგებელ თამარ რიჟამაძესთან ერთად. მათ მოინახულეს რევაზ ინანიშვილის სახლ-მუზეუმი, იოანე ნათლისმცემლის ტაძარი და ხაშმის მეღვინეობა, სადაც დაამზადეს ჩურჩხელები და ხინკალი. ექსკურსია იყო შემეცნებითი და სხვადასხვა სახალისო აქტივობით დატვირთული. სკოლა პოლიგლოტი მადლობას უხდის თამარ რიჟამაძეს ასეთი საინტერესო ექსკურსიის ორგანიზებისათვის და მშობლებს აქტიური ჩართულობისათვის.

სკოლა პოლიგლოტის მე-7(ბ) კლასის მოსწავლეები დამრიგებელ ნაზი ზაალიშვილთან ერთად იმყოფებოდნენ ნოდარ დუმბაძის სახელობის მოზარდ მაყურებელთა თეატრში სპექტაკლზე ჰელადოსი. თეატრში სტუმრობამდე მოსწავლეებმა წაიკითხეს ნოდარ დუმბაძის მოთხრობა ჰელადოსი და კარგად შეისწავლეს პერსონაჟები. სპექტაკლში კი გაცოცხლებულმა პერსონაჟებმა მათზე დიდი შთაბეჭდილება მოახდინა მოსწავლეებმა შთაბეჭდილებებით სავსე დღე გაატარეს.

სკოლა პოლიგლოტის მე-10 კლასში ჩატარდა ღია ინტეგრირებული გაკვეთილი ქართულ ენასა და სამოქალაქო განათლებაში თემაზე: იაკობ ხუცესის “შუშანიკის წამება” და ქალთა უფლებები მეხუთე საუკუნის საქართველოში – ადამიანის უფლებების ევოლუცია, რომლის ფარგლებშიც დაიგეგმა ვიზიტი მეტეხის ტაძარში. მოსწავლეებმა ქართული ენისა და ლიტერატურის მასწავლებელ, თეონა დიასამიძესთან და სამოქალაქო განათლების მასწავლებელ, ხატია ჭილავასთან ერთად მოინახულეს მეტეხის ტაძარი, სადაც წმ.შუშანიკის ნეშტია… Continue reading მე-10 კლასის ვიზიტი მეტეხის ტაძარში

სკოლა პოლიგლოტის მე-6(ა) კლასის მოსწავლეები დამრიგებელ ეკატერინე შუბითიძესთან ერთად იმყოფებოდნენ ნოდარ დუმბაძის სახელობის მოზარდ მაყურებელთა თეატრში მიუზიკლზე “პატარა საოცრება”. სპექტაკლი მოგვითხრობდა პატარა გოგონასა და მისი მეგობრების ამბავს, რომელიც ებრძვიან უსამართლობას. სპექტაკლი გაჯერებული იყო შთამბეჭდავი ქორეოგრაფიითა და მუსიკალური ნომრებით. მოსწავლეებმა საინტერესოდ და ნაყოფიერად გაატარეს დღე.

სკოლა პოლიგლოტში დაიწყო ინოვაციური სასწავლო პროექტი: „21-ე საუკუნის უნარები“. შეხვედრის ფარგლებში მოსწავლეებმა განიხილეს და გააანალიზეს ცნობილი უნივერსალური მითები და ინტერპრეტაციები. იმსჯელეს სიზიფეს, პრომეთეს, არგონავტების მითებზე, დაუკავშირეს თანამედროვეობას და ზოგ შემთხვევაში შეცვალეს კიდეც. ბოლოს, სკოლის დირექტორმა შეაჯამა მოსწავლეთა ინტერპრეტაციები და სიზიფეს მითის ახლებური გადაწყვეტაც შესთავაზა მათ. 21-ე საუკუნის უნარები არის უნიკალური საგანმანათლებლო პროგრამა,რომელსაც სკოლა პოლიგლოტი მოსწავლეებს… Continue reading პროექტი: „21-ე საუკუნის უნარები“

სკოლა პოლიგლოტის მე-11 კლასის მოსწავლეები კლასის დამრიგებელ ზურა შუბითიძესთან ერთად იმყოფებოდნენ კახეთში. მათ მოინახულეს კახეთის ისტორიულ-გეოგრაფიული ადგილები, კერძოდ: ბოდბე (წმინდა ნინოს საფლავი), სიღნაღი, ყვარელი, ილია ჭავჭავაძის სახლ-მუზეუმი, ნეკრესის, გრემის, იყალთოს, ალავერდის მონასტრები, თელავი, ერეკლე მეორეს სასახლე, წინანდალი და ალექსანდრე ჭავჭავაძის სახლ-მუზეუმი. ექსკურსია იყო საკმაოდ მრავალფეროვანი და დატვირთული შემეცნებითი აქტივობებით. სკოლა პოლიგლოტი მადლობას უხდის ზურა შუბითიძეს… Continue reading მე-11 კლასის ექსკურსია