სკოლა პოლიგლოტის 3 (ა, ბ და გ) კლასის მოსწავლეები ნოდარ დუმბაძის სახელობის მოზარდ-მაყურებელთა თეატრში დაესწრნენ სპექტაკლს “ურჩხული და ლამაზმანი”, რომელიც საოცარი მუსიკით, ქორეოგრაფიით, ულამაზესი კოსტიუმებით გაფორმებული წარმოდგენაა. მოსწავლეებმა საინტერესოდ და ნაყოფიერად გაატარეს დღე.

სკოლა პოლიგლოტში არაფორმალური განათლების ფარგლებში გაიმართა პროფესორ ცირა ბარბაქაძის მასტერკლასი: დისნეის აზროვნების 3 სკამი. დისნეის სტრატეგია გამოიყენება მაშინ, როცა გჭირდებათ საკითხის/პრობლემის შემოქმედებითი გადაწყვეტა.  მასტერკლასის მიზანი იყო მოსწავლეებს დახმარებოდა საკითხის გადაჭრის სხვადასხვა გზის მოძიებაში, რისკ ფაქტორების დამუშავებაში და სამოქმედო გეგმის შედგენაში. ამ საინტერესო მეთოდით მოსწავლეები  ძალიან დაინტერესდნენ. მათ თავიანთ თავში უნდა აღმოეჩინათ და აქტიურად მოერგოთ მეოცნებეს,… Continue reading პროფესორ ცირა ბარბაქაძის მასტერკლასი: დისნეის აზროვნების 3 სკამი.

სკოლა პოლიგლოტის მოსწავლეებისა და მასწავლებლების წარმატებები ქვეყნის ფარგლებს სცდება. ჩვენი სკოლის მასწავლებელი სოფიო ლიჩელი და მოსწავლე ბარბარე ალთუნაშვილი ერევანში, სომხეთის კულტურის დღეებს დაესწრნენ. ჩვენი მოსწავლის არაჩვეულებრივი ნახატები გამოიფინა არა მარტო ერევნის თეატრში არამედ საქართველოს საელჩოშიც, სადაც ბატონმა ელჩმა გიორგი შარვაშიძემ ბარბარე და ქალბატონი სოფიო საპატიო სიგელებით დააჯილდოვა. სკოლა პოლიგლოტი ულოცავს მათ ამ წარმატებას და მომავალშიც… Continue reading პოლიგლოტის წარმატება სომხეთში

22 მარტს აღინიშნება წყლის მსოფლიო დღე, რომლის მიზანიც ამ კუთხით ცნობიერების ამაღლებაა. მე-2 (ბ) კლასის მოსწავლეებმა ამ დღესთან დაკავშირებით საინტერესო აქტივობებში მიიღეს მონაწილეობა, დაამზადეს პოსტერები – “როგორ დავზოგოთ წყალი”, იმსჯელეს წყლის მნიშვნელობასა და დანიშნულებაზე. მიუხედავად იმისა რომ წყალი დედამიწის უდიდეს ნაწილს ფარავს, პლანეტაზე მაინც არსებობს სასმელი წყლის დეფიციტი. ჩვენი ვალდებულებაა გავუფრთხილდეთ და დავზოგოთ სასმელი წყალი.

21 მარტს, ტყის საერთაშორისო დღე აღინიშნება, რომელსაც სკოლა პოლიგლოტის მოსწავლეებიც შეუერთდნენ. ტყის დაცვასა და აღდგენას სასიცოცხლო მნიშვნელობა აქვს ცოცხალი ორგანიზმების კეთილდღეობისთვის. ჩვენი მოსწავლეები, იაზრებენ ტყის მნიშვნელობას დედამიწაზე. შექმნეს პოსტერები, როლითაც მოუწოდებენ საზოგადოებას რომ ტყეს გაფრთხილება და მოვლა სჭირდება.

სკოლა ,, პოლიგლოტის” 1-ლი (ა) კლასის მოსწავლეები , დამრიგებელ ნონა წამალაშვილთან ერთად იმყოფებოდნენ ექსკურსიაზე, სოციალურ საწარმო ,,კოდალაში”. მათ წარმატებით გაიარეს მასტერკლასი, დაამზადეს ყვავილები დედის და ქალთა დღის აღსანიშნავად. მოსწავლეებმა საინტერესო და შთაბეჭდილებებით სავსე დღე გაატარეს.